भावना यस्तो पनि

म त  क्षितिजको कल्पनामा रमाउथेँ,
नाजुक र क्षणिक पलहरुमा तृष्णा मेटाउथे।
म कसरी बिश्वास गरूँ ?

आफै सामु कसरी मुस्कुराउँ ?
हिजोआज ,  म भित्र केहि सलबलाउछन्
भावना हरुले कुत्कुयाउछन्।  
उमङ्ग र जोशले काचुली फेरे जस्तो,
यो मित्रताको जालोले जताजतै मलाई बेरे जस्तो।  

सबै त भन्न मन लाग्छ
सबै नै सुन्न मन लाग्छ
भनेका सबै दोहोराउदै सुन्न मन लाग्छ
सुनेका सबै फेरी आफैसंग भन्न मन लाग्छ ,
आजभोलि, नगाएका गीत गाउन थालेछु
न सुनेका धुन सुन्न थालेछु
छटपट्टि र बेचैनिले दिन भरिए जस्तो,
यो साइनोमा आशा र सपनाले  रात छरिए जस्तो ।  

अनेकौ प्रश्न ले घेरा लगाउछ
अनेकौ उत्तरले फेरी डेरा जमाउछ,
आफै संग साटिरहेको हासो कहाँ लुकाऊं ?   

भित्र भित्रै बाधिरहेको गाठो कहाँ फुकाउ ?

दिनरात, एउटै खयालले मन भुलाउछ

सम्झनाले भुमरी झैँ चक्कर चलाउछ। 

कुनै नौलो लत ले जीवन मताईरहे जस्तो
यो सम्बन्ध ले मलाई सारै सताइरहे जस्तो।।