नगरेको प्रेम

अनन्त गरेर पनि तिमीलाई मेरो माया बिर्साइ दिन्छु

बहानाहरु खोजेर तिमीलाई मेरो प्रेम भुलाइ दिन्छु ।।

 

सागरको गहिराइ भन्दा तल

मेरो हृदय डुबेको थियो,

पुर्याउँला तिमीलाई भन्थें

निभेर गए ति अन्धकारमा दियो,

मुटु भरेर पनि तिमीलाई मेरो मौनता थमाइँ दिन्छु,

बहानाहरु खोजेर तिमीलाई मेरो प्रेम भुलाइ दिन्छु।।

 

हिमालको पवित्रता भन्दा माथि

मेरो विश्वाश अडेको थियो,

देखाउंलाँ तिमीलाई भन्थें

पापी भ्रममा साचोँ प्रिती अल्झिदियो,

आसुँ भएर पनि तिमीलाई मेरो हासोँ बगाइदिन्छु,

बहानाहरु खोजेर तिमीलाई मेरो प्रेम भुलाइदिन्छु।।

 

सुर्यको प्रकाश भन्दा तेज

मेरो चाहना लुकेको थियो,

सुनाउँला तिमीलाई भन्थें

प्रेम उत्साहले जुर्मुरियो, 

लक्ष्य बोकेर पनि तिमीलाई मेरो सपना बनाइदिन्छु,

बहानाहरु खोजेर तिमीलाई मेरो प्रेम भुलाइदिन्छु।।

 

चन्द्र को शितल भन्दा प्यारो

मेरो आत्मा भिजेको थियो,

भनौँला तिमीलाई भन्थें

आँट्मा अझ कमजोरी थपियो, 

फूल फुलेर पनि तिमीलाई मेरो वास्ना लुकाइदिन्छु

बहानाहरु खोजेर तिमीलाई मेरो प्रेम भुलाइदिन्छु।।

 

पवनको गतिभन्दा छिटो

मेरो प्रेम बहेको थियो,

डोर्याउँला तिमीलाई भन्थें,

गोरेटो आफ्नै धड्कनमा फर्कियो,

हतास लागेर पनि तिमीलाई मेरो वास्ता दबाइ,दिन्छु

बहानाहरु खोजेर तिमीलाई मेरो प्रेम भुलाइदिन्छु ।।

 

अनन्त गरेर पनि तिमीलाई मेरो माया बिर्साइदिन्छु,

बहानाहरु खोजेर तिमीलाई मेरो प्रेम भुलाइदिन्छु।।