म मा एकान्त को खोजि
जसमा मेरो आत्मा बाहेक शरीर पनि नहोस
सुनसान, बस् त्यति मात्र
दिमाग नसोचोस्
बोलि नफुटोस्
साथ हराओस्
म भित्र को पत्थर नटुटोस्
एक्लोपन को मिठास मा रमुं
कठोरता को सिमा नाघुं,
आत्मालाई हेरिरहुँ
कतै नफर्की हिडि रहुँ,
त्यही एकान्त जहाँ
आत्मा छ, शरीर छैन
मुख छ बोलि छैन,
मन छ माया छैन
साथ छ, साथी छैन
आहा! कति भाग्यमानि !
म एकान्त की रानी।
फेरी एकान्त
फेरी पनि त्यहि एकान्त मन पर्छ,
संगीतको छिटा नपरेको
सुर्यको प्रकाश नसरेको
झरनाको झंकार नझरेको
मेरो ढुकढुकीले मात्र गुन्जेको एकान्त
जहाँ,
चरा पनि अति
संयम र शान्त,
म रुन्छु, कोहि नहेरुन्
म हास्छु, कोहि नहासुन्,
म बोल्छु, कोहि नसुनुन्,
बस् ! आशुले भिजाउछु सिरानी
म एकान्तकी रान।
झन् एकान्त
त्यहि एकान्त को मोह
अझै मन पर्छ, फेरी फेरी मन पर्छ
स्वतन्त्र को आभास
आफैमा बिश्वास
खुल्ला बतास
त्यो सिमले कपास
त्यहाँ म अनि एकान्त मेरो
रमणीय त्यो सेरोफेरो
साच्चै आफै संग रम्ने मेरो बानी,
म त सधै एकान्तकी रानी।।
Comments
Post a Comment